Centro de Información en Diversidade e Sexualidade (CIDES)

Programa de apoio psicolóxico e xurídico especializado para persoas do colectivo LGTBIQ+

O Centro de Información en Diversidade e Sexualidade (CIDES) é un servizo impulsado pola Concellería de Igualdade do Concello de Pontevedra co obxectivo de ofrecer atenciónprofesional, acompañamento e apoio especializado ás persoas do colectivo LGTBIQ+, promovendo ao mesmo tempo a igualdade, o respecto e a visibilidade da diversidade sexual e de xénero.

O programa inclúe:

 Atención psicolóxica individualizada, adaptada á realidade e necesidades do colectivo, orientada á mellora do benestar emocional e social.

 Asesoramento xurídico especializado, que ofrece información e acompañamento en materia de dereitos, discriminación e delitos de odio.

 Intervención integral e coordinada en casos de agresións lgtbifóbicas ou vulneración de dereitos, garantindo unha resposta profesional, segura e confidencial.

 Presentacións e accións informativas en centros de ensino medio e superior, dirixidas á sensibilización, formación e creación de espazos educativos inclusivos.

 Difusión de información e recursos a través das redes sociais e medios locais, que servirán como canle de comunicación, visibilidade e apoio ao colectivo.

O servizo préstase nas dependencias municipais situadas na Praza José Martí, 3º andar, Pontevedra.

Teléfono de contacto: +34 986 86 48 25

Correo electrónico: infocidespontevedra@gmail.com